Xalqaro hamkorlik

TOSHKENT DAVLAT SHARQSHUNOSLIK UNIVERSITETINING XALQARO HAMKORLIK BO‘LIMI TO‘G‘RISIDA MA’LUMOT

     1991 yili O‘zbekiston Respublikasi Prezidenti Islom Abdug‘anievich Karimovning Qaroriga muvofiq Toshkent davlat universiteti Sharq fakulteti negizida Toshkent davlat sharqshunoslik instituti tashkil etilgan. 2020 yil 16 aprel kuni O‘zbekiston Respublikasi Prezidenti Sh.M.Mirziyoyevning Qarori bilan Toshkent davlat sharqshunoslik instituti negizida Toshkent davlat sharqshunoslik universiteti tashkil etildi. Bo‘limining asosiy faoliyati Toshkent davlat sharqshunoslik universitetining xorijiy mamlakatlardagi oliy ta’lim muassasalar, ta’lim markazlar, ilmiy-tadqiqot institutlari, oliy ta’limning rivojlantirishga ko‘maklashuvchi davlat jamg‘armalari bilan hamkorlik aloqalarini o‘rnatish va rivojlantirishdan iboratdir.

Bugungi kunda Toshkent davlat sharqshunoslik universiteti (TDShU) 100 ga yaqin xorijiy oliy ta’lim muassasalari va tashkilotlari bilan hamkorlik aloqalarini o‘rnatgan. Jumladan, Yaponiya, Xitoy, Koreya Respublikasi, Hindiston, Vyetnam, Malayziya, Indoneziya, Misr, Turkiya, Eron, AQSh, Buyuk Britaniya, Niderlandiya, Frantsiya, MDH mamlakatlarining bir qator nufuzli universitet va tashkilotlari.

2019-2020 o‘quv yilida TDShUda ilk marotaba 3 ta xorijiy davlatlarning, Belorussiya Respublikasining Belorussiya Davlat universiteti, Koreya Respublikasining Kyongdong va Samyung universitetlari bilan hamkorlikda bakalavriat ta’lim yo‘nalishlari bo‘yicha qo‘shma ta’lim dasturlari asosida kadrlar tayyorlash yo‘lga qo‘yildi. Bu dasturlar bo‘yicha bitiruvchilar TDShU va xorijiy hamkor universitetining diplomlariga ega bo‘ladilar.

Universitetimiz xorijiy oliy ta’lim muassasalari bilan professor-o‘qituvchilarning tajriba almashinuvi, talabalar bilan almashinuv, ilmiy konferentsiyalar, seminarlar, on-layn rejimida videokonferentsiyalar o‘tkazish va xalqaro ta’limni rivojlantirishga ko‘maklashuvchi boshqa yo‘nalishlarda samarali hamkorlik qilib kelmoqda. Yurtimizda faoliyat yurgazayotgan xorijiy davlatlarning elchixonalari, tashkilotlari hamda do‘stlik jamiyatlari bilan ta’lim, ilm-fan va madaniyat yo‘nalishlarida ham yaqindan hamkorlik aloqalari o‘rnatilgan. Buni yaqqol misoli sifatida Birlashgan Millatlar Tashkilotining O‘zbekistondagi vakolatxonasi, Jahon Bankining O‘zbekistondagi vakolatxonasi, Koreya Respublikasining KOICA, Yaponiyaning JISA, JICE, O‘zbekiston-Yaponiya markazi, Lal Baxodur Shastri nomidagi Hind madaniyat markazi, Turkiyaning TIKA, Buyuk Britaniyaning Britaniya Kengashi, Yevropa Ittifoqining Erasmus+ milliy ofisi va boshqa tashkilotlarni keltirishimiz mumkin.

Sharq tillari, adabiyoti, tarixi va madaniyatini o‘rganishni targ‘ib qilish, shuningdek, ta’lim sifatini yaxshilash va ilmiy salohiyatni ko‘tarish maqsadida Xalqaro hamkorlik bo‘limi hamrohligida universitetimizda bir nechta markaz tashkil etildi:

• Konfutsiy nomli o‘zbek-xitoy instituti – 2005 yil, may
• Tsukuba universitetining Markaziy-Osiyo ilmiy tadqiqot markazi – 2006 yil,sentyabr
• Mahatma Gandi nomli hindshunoslik markazi – 2007 yil, aprel
• Pokiston markazi – 2009 yil, may
• Vetnam tili va madaniyati markazi – 2012 yil, noyabr
• Indonez tili va madaniyati markazi – 2013 yil, mart
• Koreyashunoslik markazi – 2013 yil, aprel

Har yili Yaponiya, Xitoy, Koreya Respublikasi, Hindiston, Turkiya, Misr, Eron, Indoneziyaning hamkor oliy ta’lim muassasalaridan uzoq muddatga taklif etilgan 40 nafarga yaqin professor-o‘qituvchilar TDShU va uning qoshidagi Konfutsiy institutida o‘rganilayotgan davlat tili, adabiyoti va iqtisodiyotidan dars berib kelmoqdalar. Bundan tashqari qisqa muddatga ham tizimli ravishda xorijdan professor-o‘qituvchilar taklif qilinadi. Shu bilan birga, har o‘quv yili Yaponiya, Koreya Respublikasi, Xitoy, Afg‘oniston, Qozog‘iston, Tojikiston, Turkmaniston, Ukraina, Rossiya va boshqa davlatlardan 50 ga yaqin fuqarolar universitetda bakalavriat, magistratura va doktorantura bosqichlarida, shuningdek, xalqaro tashkilotlar dasturlari doirasida ilmiy-tadqiqot ishlarini olib borish hamda o‘zbek va rus tillarini o‘rganish maqsadida tashrif buyurgan stajyorlar tahsil olishadi.

TDShUning professor-o‘qituvchilari har yili muntazam ravishda Yaqin Sharq, Osiyo, Afrika, Yevropa, Amerika hamda boshqa mintaqa davlatlarida tilshunoslik, sharqshunoslik, xalqaro iqtisodiy va siyosiy munosabatlar, tarix, falsafa, mintaqashunoslik muammolariga bag‘ishlab o‘tkaziladigan xalqaro konferentsiyalar, simpoziumlar va seminarlarda faol ishtirok etib kelmoqdalar. O‘zbek sharqshunoslik fani yutuqlari va muvaffaqiyatlarini targ‘ib-tashviq qilib, tajriba almashib kelmoqda. Jumladan, 2019 yilda 67 nafar professor-o‘qituvchilar chet elga turli darajadagi tadbirlarda ishtirok etish uchun yuborildilar. TDShUda Xalqaro hamkorlik bo‘limi tomonidan talabalar uchun e’lon qilinadigan turli xorijiy grant dasturlarida qatnashish uchun o‘qishi yaxshi va a’lo ko‘rsatkichlarga ega bo‘lgan, yuksak ma’naviyatli, ilmiy va ijodiy yo‘nalishlarda muayyan yutuqlarga erishgan, universitet hayotida faol ishtirok etadigan nomzodlar tanlov asosida yuboriladi. Bundan tashqari turli xalqaro tadbirlarda bizning talabalarimiz ishtirok etib kelmoqda. Jumladan, 2019 yilda xorijiy hamkor OTMlarda stajirovka o‘tash hamda turli xalqaro tadbirlarda ishtirok etish uchun 70 nafar talaba xorijga yuborilgan.

Toshkent davlat sharqshunoslik universiteti va xorijiy hamkor oliy ta’lim muassasalari hamda tashkilotlari bilan tuzilgan memorandum va shartnomalar

RO‘YXATI

Mamlakat	№	Xorijiy hamkor	Imzolangan sana	Veb-sayt
AQSH	1	San-Diego davlat universiteti	1998 yil 1-Dekabr	https://www.sdsu.edu
	2	Sietl shahridagi Vashington universiteti	2004 yil 10-Aprel	https://www.gwu.edu
BELORUSSIYA	1	Belorussiya davlat universiteti	2019 yil 19-Iyul	https://www.bsu.by
BUYUK BRITANIYA	1	Markaziy Lankashir universiteti	2013 yil 9-Oktabr	https://www.uclan.ac.uk
	2	Norvich til va talim instituti	2018 yil 14-Oktabr	https://www.nile-elt.com
VENGRIYA	1	Loran Etyosh nomidagi Budapesht universiteti	2017 yil 25-Iyul	https://www.elte.hu
VYETNAM	1	Vyetnam davlat universiteti huzuridagi ijtimoiy va gumanitar fanlar universiteti	2013 yil 18-Oktabr	www.ussh.vnu.edu.vn
	2	Vyetnam davlat universiteti	2011 yil 3-Oktabr	http://www.vnu.edu.vn
INDONEZIYA	1	Indoneziya universiteti	2017 yil 20-Dekabr	https://www.ui.ac.id
	2	Indoneziya Malang universiteti	2018 yil 14-Fevral	https://um.ac.id
KOREYA RESPUBLIKASI	1	Daejin universiti	2009 yil 19-Fevral	http://www.daejin.ac.kr
	2	Kangnam universiteti	2004 yil 21-May	https://web.kangnam.ac.kr
	3	Keymyung universiteti	2018 yil 12-Avgust	http://dongsan.dsmc.or.kr
	4	Koreya xalqaro tatdiqotlar universiteti	2018 yil 30-Oktabr	https://dis.korea.ac.kr
	5	Koreyashunoslik akademiyasi	2018 yil 5-Iyul	http://www.aks.ac.kr
	6	Kongju milliy universiteti	2017 yil 29-May	http://www.kongju.ac.kr
	7	Kukmin universiteti	2006 yil 26-Iyul	https://english.kookmin.ac.kr
	8	Koreya fondi	2015 yil 31-Avgust	http://en.kf.or.kr
	9	Koreya xalqaro hamkorlik agentligi (KOICA)	1993 yil 20-Sentabr	http://www.koica.go.kr
	10	Kyung Hee universiteti	2007 yil 30-Avgust	https://www.khu.ac.kr
	11	Kyungdong universiteti	2019 yil 10-Iyun	https://kduniv.ac.kr/en
	12	Gimcheon universiteti	2007 yil 29-Mart	http://www.gimcheon.ac.kr
	13	Namseul universiteti	2007 yil 29-Mart	https://www.nsu.ac.kr
	14	Pukyong milliy universiteti	2010 yil 5-Noyabr	http://www.pknu.ac.kr
	15	Pusan chet tillari universiteti	2018 yil 2-Noyabr	https://www.bufs.ac.kr
	16	Tegu Haani universiteti	2018 yil 10-May	http://www.dhu.ac.kr
	17	Sangmyung universiteti	2019 yil 30-May	https://www.smu.ac.kr
	18	Seojeong universiteti	2001 yil 2-May	http://www.seojeong.ac.kr
	19	Sungkyul universiteti	1995 yil 19-Sentabr	https://www.sungkyul.ac.kr
	20	Sun-Mun universiteti	2017 yil 23-Noyabr	https://www.sunmoon.ac.kr
	21	Sunchon milliy universiteti	2017 yil 23-Oktabr	https://www.scnu.ac.kr
	22	Handong global universiteti	2019 yil 11-Yanvar	https://www.handong.edu
	23	Hankuk chet tillar universiteti	2018 yil 18-Iyun	http://www.hufs.ac.kr
	24	Hanyang universiteti	2017 yil 23-Iyun	https://www.hanyang.ac.kr
	25	Hanshin universiteti	2007 yil 23-Aprel	http://www.hs.ac.kr
	26	Chonbuk milliy universiteti	2008 yil 6-Oktabr	http://jbnu.ac.kr
	27	Chung-Ang universiteti	2004 yil 24-Sentabr	https://neweng.cau.ac.kr
QOZOGʻISTON	1	Al-Farobiy nomidagi Qozogʻiston milliy universiteti	2017 yil 20-Iyul	https://www.kaznu.kz
	2	M.Auezov nomidagi Janubiy Qozogʻiston davlat universiteti	2018 yil 12-Aprel	www.ukgu.kz
LATVIYA	1	Boltiq xalqaro akademiyasi	2018 yil 24-Oktabr	https://bsa.edu.lv
MALAYZIYA	1	Sulton Idris nomidagi Malayziya pedagogika universiteti	2017 yil 21-Iyul	https://www.upsi.edu.my
MISR	1	Al-Azhar universiteti	1992 yil 8-May	http://www.azhar.edu.eg
	2	Qohira universiteti	1997 yil 12-Mart	https://cu.edu.eg
	3	Mansura universiteti	1997 yil 13-Mart	http://www.mans.edu.eg
	4	Helvan universiteti	2004 yil 24-Mart	http://www.helwan.edu.eg
NIDERLANDIYA QIROLLIGI	1	Leyden universiteti	2018 yil 30-Iyun	https://www.universiteitleiden.nl
	2	Rotterdam islom universiteti	1999 yil 7-Iyun	https://www.universiteitleiden.nl
ROSSIYA	1	Rossiyaning birinchi Prezidenti B.N.Yeltsin nomidagi Ural federal universiteti	2018 yil 16-Oktabr	https://urfu.ru/ru
	2	Qozon federal universiteti	2018 yil 16-Oktabr	https://kpfu.ru
	3	Moskva davlat universitetining M.V.Lomonosov nomidagi Osiyo va Afrika mamlakatlari instituti	2017 yil 5-Sentabr	http://www.iaas.msu.ru
	4	Rossiya Fanlar akademiyasi sharqshunoslik instituti	2018 yil 15-Mart	https://www.ivran.ru
	5	Rossiya xalqlar do’stligi universiteti	2018 yil 12-Mart	http://www.rudn.ru
	6	Sankt-Peterburg davlat universiteti	2020 yil 13-Mart	https://spbu.ru
	7	Tinch okeani davlat universiteti	2018 yil 16-Oktabr	http://pnu.edu.ru
	8	Chelyabinsk davlat universiteti	2018 yil 16-Oktabr	https://www.csu.ru
TURKIYA	1	Anqara universiteti	2019 yil 6-Noyabr	https://www.ankara.edu.tr
	2	Anqara Hoji Bayram Vali universiteti	2019 yil 6-Noyabr	https://hacibayram.edu.tr
	3	Gazi universiteti	2019 yil 7-Noyabr	http://gazi.edu.tr
	4	Marmara universiteti	2019 yil 6-Noyabr	https://www.marmara.edu.tr
	5	Otaturk universiteti	2018 yil 3-May	https://www.atauni.edu.tr
	6	Stanbul universiteti	2019 yil 4-Noyabr	https://www.istanbul.edu.tr
	7	Turkiya xalqaro hamkorlik va muvofiqlashtirish agentligi (TIKA)	2005 yil 20-Oktabr	https://www.tika.gov.tr
FRANTSIYA	1	Parij sharq tillari va tsivilizatsiyasi milliy instituti	2018 yil 10-Oktabr	http://www.inalco.fr
XITOY	1	Lanchjou universiteti	2019 yil 10-Dekabr	http://www.lzu.edu.cn
	2	Lanchjou universiteti Siyesatshunoslik va xalqaro munosabatlar instituti	2019 yil 18-Sentabr	http://zgy.lzu.edu.cn
	3	Lanchjou universiteti Tarix va madaniyat instituti	2012 yil 1-May	http://history.lzu.edu.cn
	4	Sian xalqaro tadqiqotlar universiteti	2015 yil 20-Avgust	http://en.xisu.edu.cn
	5	Tyanjin xalqaro aloqalar politekhnika instituti	2001 yil 4-Sentabr	http://www.tjpu.edu.cn
	6	Shanxay universiteti Iqtisodiyot maktabi	2018 yil 28-Dekabr	http://en.shu.edu.cn
	7	Shanxay xalqaro talim universiteti	2018 yil 11-Dekabr	http://en.shisu.edu.cn
	8	Shimoliy-G’arbiy Minzu universiteti	2018 yil 6-Iyun	http://www.xbmu.edu.cn
	9	Shanxay universiteti Qoshidagi Shanxay hamkorlik tashkilotining Xalq diplomatiyasi instituti	2013 yil 12-Aprel	http://en.shu.edu.cn
	10	Hunan pedagogika universiteti	2016 yil 28-Noyabr	http://www-en.hnu.edu.cn
HINDISTON	1	Vivekananda xalqaro hamkorlik fondi	2017 yil 25-Avgust	https://www.vifindia.org
	2	G’olib instituti	2005 yil 14-Mart	https://ghalibinstitute.org
	3	Gujarat universiteti	2019 yil 26-Noyabr	https://www.gujaratuniversity.ac.in
	4	Dehli universiteti	2006 yil 25-Aprel	http://www.du.ac.in
	5	Jamia Millia Islamiya universiteti	2019 yil 28-Noyabr	https://www.jmi.ac.in
	6	Mavlono Ozod milliy urdu universiteti	2019 yil 24-May	http://manuu.edu.in
ERON	1	Sa’diy fondi	2018 yil 23-Dekabr	https://saadifoundation.ir/fa
YAPONIYA	1	Aichi prefekturasi universiteti	2019 yil 8-Iyul	https://www.aichi-pu.ac.jp
	2	Vaseda universiteti	2016 yil 27-Oktabr	https://www.waseda.jp
	3	Kansay universiteti	2019 yil 9-Dekabr	http://www.kansai-u.ac.jp
	4	Kioto chet tillari universiteti	2017 yil 13-Noyabr	https://www.kufs.ac.jp
	5	Sofiya universiteti	2016 yil 18-Noyabr	https://www.sofia.edu
	6	Tokio chet tillar universiteti	1997 yil 20-Avgust	http://www.tufs.ac.jp
	7	Toyo universiteti	2010 yil 22-Noyabr	https://www.toyo.ac.jp
	8	Tsukuba universiteti	2005 yil 6-Sentabr	http://www.tsukuba.ac.jp
	9	Hosey universiteti	1996 yil 1-Avgust	https://www.hosei.ac.jp
	10	Fukuoka prefekturasi Ta’lim masalalari bo’yicha tatdiqot instituti	1994 yil 26-Sentabr	http://www.fukuoka-pu.ac.jp
	11	Fukuoka xotin-qizlar universiteti	2009 yil 6-Iyul	http://www.fwu.ac.jp

29.06.2020, 20:33 9286 Bosma versiyasi